ᑕᕝᕚᑭ ᐱᒻᒪᕆᐅᔪᒥᑦ ᓄᓇᕗᒻᒥᐅᓂᑦ ᐋᓐᓂᐊᓕᖅᑎᑦᑎᔪᓐᓇᕐᒪᑦ ᐃᓚᒌᖑᔪᓄᑦ ᐊᒻᒪᓗ ᓄᓇᓕᖏᓐᓄᑦ. ᓄᓇᕗᒻᒥᐅᑦ ᓇᑉᐸᖓᓂ ᓱᐴᖅᑐᖅᐸᒃᑐᑦ ᐊᒻᒪᓗ ᓄᓇᕗᑦ ᐳᕚᒃᑯᑦ ᐋᓐᓂᐊᖃᖅᑐᖅ/ᐳᕙᒡᓗᒃᑐᑦ ᐅᓄᕐᓂᖏᑦ ᖁᑦᑎᓛᖑᔪᖅ ᑲᓇᑕᓕᒫᒥᑦ.
ᑕᕝᕚᑭ ᐱᕚᓪᓕᖅᑎᑦᑎᔪᓐᓇᕐᒥᔪᖅ ᐆᒻᒪᑎᕐᓗᖕᓂᕐᒥᑦ ᐊᒻᒪᓗ ᐆᒻᒪᓯᕆᓂᕐᒥᓗ, ᐃᓚᒋᐊᕈᑎᐅᓪᓗᓂᓗ ᐃᑦᑐᕐᓗᖕᓂᕐᒥᑦ ᐳᕙᒡᓗᖕᓂᕐᒥᑦ. ᐅᓄᓗᐊᖏᑦᑐᓂ ᐃᓚᒌᖑᔪᓂ ᓄᓇᕗᒻᒥᑦ ᐋᓐᓂᖅᑕᐅᓯᒪᖏᑦᑐᑦ ᑕᕝᕚᑭᑐᖃᑦᑕᕐᓂᕐᒧᑦ.
ᑐᓴᐅᒪᔾᔪᑎᑦᑎᐊᕙᐅᔪᖅ ᓄᓇᕗᒻᒥᐅᑦ ᒪᒥᓴᕈᓐᓇᖅᑐᑦ ᓱᐴᖅᑐᖃᑦᑕᕐᓂᕐᒥᑦ. ᓄᖃᖃᑦᑕᖅᑐᑦ ᓱᐴᖅᑐᕐᓂᕐᒥᑦ ᐱᔪᓐᓃᖅᐹᓪᓕᖃᑦᑕᖅᑐᑦ ᐋᓐᓂᐊᖑᔪᓂ ᐅᕝᕙᓘᓐᓃᑦ ᐃᓅᔪᓐᓃᖅᓴᓕᓂᕐᒧᑦ ᑕᕝᕙᖓᑲᐅᑎᒋᑲᓴᒃ. ᒪᒃᑯᒃᑐᑦ ᑲᔪᓯᕙᒃᑐᑦ ᓱᐴᖅᑐᖃᑦᑕᖏᓐᓂᕐᒥᑦ ᓱᐴᖅᑐᖃᑦᑕᖏᓐᓂᖅᓴᐅᔪᑦ ᐃᓐᓇᖑᕈᑎ. ᓄᑕᖃᑦ ᓄᑕᕋᓛᓪᓗ ᓱᓲᖅᑐᖅᑐᓃᖃᑦᑕᖏᑦᑐᑦ ᐱᖏᓐᓂᖅᓴᐅᖃᑦᑕᖅᑐᖅ ᓯᐅᓯᕆᓂᕐᒥᑦ ᐊᓂᖅᑎᕆᑦᑎᐊᖏᓐᓂᕐᒧᓗ. ᓱᐴᖅᑐᖃᑦᑕᖏᓐᓂᖅ ᐃᑲᔫᑎᖃᐅᖅᑐᖅ ᓄᓇᕗᒻᒥᐅᓕᒫᓄᑦ − ᐊᑕᐅᓯᕐᒨᖓᔪᓄᑦ, ᐃᓚᒋᖑᔪᓄᑦ ᐊᒻᒪᓗ ᓄᓇᓕᐅᔪᓄᑦ.
ᐃᓅᓯᖃᕐᓂᖅ ᑕᕝᕚᑭᖏᑦᑐᓂ − ᓄᖅᑲᕐᓂᖅ ᓱᐴᖅᑐᖃᑦᑕᕐᓂᕐᒧᑦ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᔪᒥᓴᐃᔪᑦ ᓱᐴᖅᑐᖃᑦᖏᓐᓂᕐᒧᑦ ᓄᓇᓕᐅᔪᓄᑦ ᐃᑲᔪᖅᓱᐃᓪᓗᑎᓗ ᐃᓱᒪᒃᓴᖅᓯᐅᖃᑦᑕᖅᑐᓄᑦ ᓱᐴᖅᑐᖃᑦᑕᖏᓐᓂᕐᒧᑦ. ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᖃᑕᖅᑐᑦ ᑕᕝᕚᑭᑐᖃᑦᑕᖅᑕᐃᓕᒪᑎᑦᑎᓂᕐᒥᑦ, ᓴᐳᔾᔨᓂᕐᒥᑦ, ᑕᕝᕚᑭᑐᖃᑦᑕᕈᒪᔪᓐᓃᖅᑐᓄᑦ, ᐊᒻᒪᓗ ᐊᑐᕈᓐᓃᐹᓪᓕᖅᑎᑦᑎᓂᕐᒧᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᑕᕝᕚᑭᐅ ᒥᒃᓵᓄᑦ ᐊᒻᒪᓗ ᐃᑲᔪᖅᑕᐅᔪᓐᓇᕐᓂᕐᒧᑦ ᓄᖃᕐᓂᕐᒧᑦ:
- ᐅᖃᓗᒡᓗᑎᑦ ᓄᓇᕗᑦ ᐃᑲᔪᖅᑕᐅᕝᕕᖕᒧᑦ ᐅᕙᓂ 1-866-368-7848.
- ᐋᓐᓂᐊᕐᕕᔅᓯᓄᐊᕐᓗᓯ, ᐅᖃᖃᑎᖃᕐᓗᓯ ᓄᓇᓕᖕᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑭᒡᒐᖅᑐᐃᔨᒧᑦ (CHR), ᐊᒻᒪᓗ ᐊᐱᕆᔪᓐᓇᖅᑐᓯ ᓘᒃᑖᔅᓯᓐᓄᑦ ᖃᓄᖅ ᓄᖅᑲᕈᓐᓇᕐᓂᕐᒧᑦ ᓱᐴᖅᑐᖃᑦᑕᕐᓂᕐᒥᑦ.
- ᖃᐅᔨᒋᐊᕈᓐᓇᖅᐳᑎᑦ "Tobacco Has No Place Here" Facebook−ᑯᑦ..
- "Tobacco Has No Place Here" ᑐᕌᒐᒋᔭᐅᔪᖅ ᑐᓴᐅᒪᔾᔪᑏᑦ ᐱᔾᔪᑎᒃᓴᐃᓪᓗ
ᓱᐴᖅᑐᖃᑦᑕᕐᓂᕐᒧᑦ ᓱᓕᔪᑦ
- ᓱᐴᖅᑐᖃᑦᑕᕐᓂᖅ ᐱᒋᐊᕈᑎᐅᓚᕆᒃᑐᖅ ᐳᕙᒡᓗᖕᓂᕐᒧᑦ/ᐳᕙᒃᑯᑦ ᐋᓐᓂᐊᖅᑖᕐᓂᕐᒧᑦ. ᓄᖃᕐᓗᑎᑦ ᓱᐴᖅᑐᖃᑦᑕᕐᓂᕐᒧᑦ ᐅᕝᕙᓘᓐᓃᑦ ᓱᐴᖅᑐᖃᑦᑕᖐᓐᓇᕐᓗᑎᑦ ᐱᐅᓛᖑᕗᖅ ᐳᕙᒡᓗᓕᖅᑕᐃᓕᓂᕐᒧᑦ/ᐳᕙᒃᑯᑦ ᐋᓐᓂᐊᖅᑖᖏᓐᓂᕐᒧᑦ.
- ᐊᑕᐅᓯᖅ ᑕᓪᓕᒪᐅᔪᓂᑦ ᐃᓅᔪᓐᓃᖃᑦᑕᖅᑐᑦ ᑐᐴᖅᑐᖃᑦᑕᕐᓂᕐᒧᑦ ᓄᓇᕗᒻᒥᑦ ᐱᒋᐊᕈᑕᐅᕙᒃᑐᖅ ᓱᐴᖅᑐᖃᑦᑕᕐᓂᕐᒧᑦ.
- ᑕᕝᕚᑭᒥᑦ ᐊᑐᖃᑦᑕᕐᓂᖅ ᐊᐃᑦᑐᕐᓗᕈᑕᐅᕙᒃᑐᖅ ᐳᕙᒡᓗᖕᓂᕐᒧᑦ (TB).
- 24−ᓂᑦ ᐃᑲᕐᕋᓂᖅ ᓱᐴᖅᑐᕈᓐᓃᕈᕕᑦ, ᐆᒻᒪᑎᕐᓗᖕᓂᕐᒧᑦ ᐱᔪᓐᓃᖅᐹᓪᓕᕕᒡᔪᐊᕋᔭᖅᑐᖅ.
- ᓄᓇᕗᒻᒥᐅᑦ ᑕᑯᓇᔭᖅᑐᑦ ᐊᖏᓂᖅᐹᒥᑦ ᐊᕐᕌᒍᓂ ᐃᓅᓯᕐᒥᑦ ᐃᓚᒋᐊᖅᑕᐅᓂᕐᒥᑦ ᐱᔪᓐᓃᖅᐹᓪᓕᕈᑎ ᐅᓄᓯᕚᓪᓕᐊᔪᓂ ᐳᕙᒃᑯᑦ ᐋᓐᓂᐊᖃᑦᑕᖅᑐᓂ.
