Aaniarutiryuaq aanniarut hivutuniraalukmik aulaniqaqtuq. Ilaani, aanniarutailimaiqtunik aulaniqaqtunik hivutunirmik inuum inuuhiani. Taima amigaitunik ikayuutiqaqtuq munagiyaangat aanniarutailimaiqtunik aanniaryuartailiyaanganik. Munarhitkut tunigiaqaqtun ikayuutikharnik munagiyaangit aannirutiryuangit inuuhirikharnik atuqtukharnik, havautikharnik allanik atuqtakharnik ihuarutikhainik. Amigaitun inuit aanniarutiqaryuaqtun inuuhimaanginaqtun inuuhiriktumik inuuhimaatiakhutik.
Inuuhirittiarnikkut aanniaqtailiryumiqtitiyaaqtuq aanniaryuarutiqaqtunik ikayuutiginiaqturlu inungnik aanniarutiqaryuaqtunik inuuhimattianginagumik.
Ilangit inuuhirittiarutikharnik atugiaqaqtangnik imaitun:
-
Higaaqpalaaqhimaitumik higaaguigumikluuniit. Ikayukhanik, uqaqvigilugu munaqhi, takulugu[nuquits.ca], hivayagluginluuniin Nunavut Quitline at 1-866-368-7848.
- Aihiinanahuarlutin higaaqtunik puyungit, taimailiugiaqaguvit
- Munagilugu inuuhiritumik uqumaitilaat
- Hulilukaak paklutin ubluq tammaat
- Nirivaglutin niqainanik nakuyutlu niuvikhimayunik niqikhanik. Aturlugu tamna Nunavunmi Niqitigut Maliktakhanginik ikayuttigilugu niriyami nakuyumik aturlugu..
- Maliklugu Imiqpallaarnaittumik Maliganganik taannganik
- Ayuiqharniq inuuhirittiarutikharnik atuqtakharnik ayuittiagiikhimayunik ikikliyumiqtitiniaqtun ayungnautikharnik
- Pulaaqataqlugit munarhitkut ukiuk tamaat ihivriuqtauyaangat qauyihaiyaangatlu ihivriudjutikharnik atuqtakharnik talvuuna munarhitkuni
Naqitlugit atadjutait kangiqhittiarumaguvin mikhaagun:
