Ikpiguhuk

Ikpiguhuk

Ihumarnikkut aanniaqtailiniq ayuqhautihimalaaqtut ukiulingnit quyaginnaq– nutaqqanut, inulrammiit inirniillu unalu Inirnikhat. Nbsplu; Inuit naunaiyaivaktut ihumakkut ayuqhautiniit ahinit kihimi kangiqhittailinngitkumik inmi.unalu nbsp; Ilihimalaittugut qanuriliuriangat ninngagaangapta, ihumaalugaangapta, tuninnguqaangapta, Unagugaangapta inminiirumavakhuta. Kihimi Hulilukaaginnaria-qaqhuta.

 

Nutaqqat:  Ilangit nutaqqat uqarvigivaktait ikpiguhungniit. Aallat nutaqqait ningahukpaktut uqarvigihimaittumik taimaa ihumakittutut itpaktut. Nutaqqam ningahungnia ningahukpallaangitkumi, naamainnaqhutik, taimaa ihumaalukhimaittumik. Kihimi ilaani ikpigiyangit qagligaangat, hugihimaitkumi, ihumagigiaqaqhuni ihumangit ikpigiyarniit ayuqhautiqarungnaqhiyuq. Nutaqqait inulrammiillu ikpigiinnaqhutik huliyaunnirumik unalu, ikayuqtaungitkumi, ihumaaluinnarniaqtut, quviahulaittullu.

Inulrammiit: Naammaktumik ikpigiyarniit tamainnut ilagiyaugiaqaqhutik tamainnut inulrammiit inuuhianit. Ilanganit ayuqhautiniit nutaqqat angikliktiqpaktut taimaalu ihumagittiaqhimaittut inmikkut ingattaumilaaqhunilu.  Ikpigiyaqaqtut nuturannuat piqanngittut. Iliharviit ayuqhautingit aktuumalaaqhutik ikpigiyamingnit inuuhianit. Nanguttiyuktut iliharvingmi uuminngaluniit Qaritauyakkut akhuurnaqhuni aktuumalaaqhugit inulramminut inuuhirnianut.  Angutautigiit arnautigiit ayuqhaqtut ikpingnaqhutik taimaa inulrammiit nutqarumavagait inuuhuktum hilaryuangit. Inuuhuktut nakuuyumik ilagiiqaqtut angayuqaamingnit naamakpaktut.

Inirniit:  Amihut inirniit ikpigihuqaqpaktut havaamingnit, aallat inirniit ilagiillu inuuhianit. Aimavingni, havagvingmi, nuatqatait nutaqqaillu ayuqhautiniq ilaani angiglivallaaqtutut itpakhuni. Ilaani amirinnaittuq ihuaqtumilluniit tamaat ikpigihuqarnirumik.

Amihut ayuqhautiniit qaglivakhutik ungahikhivaktut. Kihimi ayuqhautik ungahikhilaittaraangat akturnaqtuq qanuq ikpigiyamnit ayurnaqhivakhuni taimaa ikayuqtaugiaqaqhuta. Ikpigiyavut ihumaalungnirnut, unagunaqhibluni qautamaat uuminngaluniit ihumaliqhuta inminiirumabluta taimaa naammanngittuni.

Ayuqhautiniit imiqpallaarnikkut higaarlungnit atuinnaraangamiglu ingataumilaaqhuni taimaa. Atauhiq hitamauyut inuit ihumaalungnikkut akihautiqalaaqhutik inuuhianit. Uuminngalu atauhiq tamainnut qulinit inungnit pinirlulaaqhutik imirnikkut higaarlungnikkut. Taimaa avaliittumik takuaqhimaittuq. Ikayuuhiq aturnaqtuq. Taimaa hulilukaarniq ihuaqtaulaaqhuni.